بقلم / آيه محمود عبدالكريم

 

      ترغب فى كتابة المزيد وان كانت على ثقة تامة بأنه لن ولم يقرأ احد وان قرأت العين فماذا عن القلوب هل ستشتعر ماتقول ام ستكون كلمات عابرة ممله وحواديت انسانيه بايخة لا تعنى الكثير ولا يتفقها من هم لا يدركون قيمة الاشياء وقيمة التضحيات وانه امر عادى وليس بالعمل البطولى تفعله الكثيرات ولا يتفوهون بكلمه بل يرونهم مقصرات يجب ان يكون كامل جهدهم لهذا فقط وايضا يجب ان تسعى وتجتهد حتى لا تظلم نفسها

 

كل مافات ماهو الا حيرة وتوهان الكثير من النساء التى تسعى لان تكون اسرة آمنه ولكن يصدمها الواقع بتحديات لا حدود لها تستنفذ تفكيرها قبل طاقتها فتهدر صحتها قبل اوانها وتصبح مصارعه حرة مع الحياة 

 

فأصبح الزواج ماهو الا مسؤليات تنسينا كل شي تنسينا حتى انفسنا فتتزوج الفتاة على وعود وردية لتصبح مجرد زوجة وام عليها ان تهتم بكل فرد داخل الاسرة تهتم بزوجها ونفسيته وتخاف ليبص برة وتهتم بكل عيل ونضافته ونفسيته وصحته وتشوف اخباره ومذاكرته وطريقة كلامه وثقافته وكورساته وتطوراته بل والاكثر تهتم بالمنزل مواعين عايزة تتغسل كل يوم اكل لازم يتعمل فريش وكل واحد بيحب اية دة عنده سخونه دة ضرسه بيوجعه ودى هدوم عايزة تتغسل ودى شقة عايزة تتمسح ودى ستاير عايزة تتغير ودة زوج زهقان وتعبان ولازم تغيريله موده وكيلو السمنه النهاردة بكام يلا عشان الهوم وورك ماتزعقيش للعيال اتعقدوا ومش هيبقى عندهم ثقه ف نفسهم استحملى لازم تستحملى هو انتى هتفضلى قاعدة كدة من غير شغل لازم تشتغلى عشان يبقى معاكى فلوس اه خدى معاكى عيالك كل يوم وانزلى اشتغلى وصلى مدارس ودروس وكورسات واتنططى فى المواصلات لازم تكافحى امال هتثبتى ذاتك ازاى اية دة انتى مابتصليش ربنا مش هيباركلك فى بيتك ولا عيالك وكله الا صلة الرحم عملتى صينيه بسبوسة ماوزعتيش منها ليه على كل حبايبك واهلك وجيرانك لازم تلبسي وتتشيكى وتهتمى بمظهرك وتعلمى ولادك ازاى يلبسوا لازم تبقى جوا البيت فله شمعه منوره عشان الرجل مايبصش برة الزوج انتى لازم تساعدينى الحياة صعبه الزوجه انا نفسي احس انى انسانه الله دى لابسة ازاى الله شوف دى بتشتغل وناجحه دى معاها فلوس بتروح وتيجى هات انا عايزة اجيبلى حاجة جديدة لا طبعا مفيش العيال والبيت اولى طب اتشيكى كدة شوفى دى عامله فى نفسها اية شايفه دى حلوة ومنورة ازاى 

 

طبعا الفقرة اللى فاتت مفيهاش علامات ترقيم ولا فواصل لان دى حياة كل واحدة وتفكيرها طول الليل والنهار بتجلد فى نفسها سواء بتقصيرها فى وممكن ماتكون مقصرة ولا حاجة وتفكيرها فى بيتها ونظامه وجلد الذات كل يوم على انها نفسها تشتغل وتثبت نفسها ونفسها عيالها يفتخروا بيها طب انا كدة هظلم عيالى هقصر مع جوزى وترجع تانى ليومها الطبيعى طبيخ وترويق مذاكرة وشحططه وهى تايهه عايشة فى دوامة محدش بيسألها نفسك فى اية لان هى اللى بتحقق الامنيات هى اللى بتشبع البطون وهى اللى بتكوى الهدوم هى اللى مخليه البيت جنه ، وفى الاخر انتى كنتى بتعملى اية طول النهار ؟! سؤال بتسمعه كل يوم كل زوجة من زوجها كل يوم تهدر صحتها وشبابها ولا تستطيع ان تجيب على سؤال لا رد عليه .

 

الجنه تحت اقدام الامهات ولكن الام يجب ان ترحم يكفى عليها زحام عقلها وتأنيب ضميرها وحزنها الدائم على ماذل فعلت لاجلها . القليل من التقدير يغنيها عن حيرة وشرود عقلها بالتفكير فكيف اكون سعيده . القليل من الود ومد يد العون يغنيها عن كريمات التفتيح والاسكين كير .

 

نعم اريد ان اكون تريند تريند فى منزلى ووسط عائلتى فاكون النجم الساطع ومحط انظار الجميع . اريد ان اجمع اكبر نسبه مشاهدة من عائلتى ومحبينى لاحيا من جديد.

 

فأنا لسة عاطله انا ربة منزل بأرادتى اخترت ان ابنى بيتا مسلما وان اصنع جيلا يواجه تحديات عصره فأنا اعمل كل شئ بمهارة وحب ويكفينى رؤيتهم بخير بخير اكثر منى .