الاثنين 26 أغسطس 2019 - 07:03 صباحاً
  • فيديوهات
الرئيس السيسي يسلم الأنواط لأوائل الخريجين من كلية الشرطة
السيسى اثناء التصويت ف الانتخابات
السيسى اثناء التصويت ف الانتخابات
لحظة تكريم دكتور ياسر طنطاوي واستلامه شهادة شكر وتقدير من اتحاد الكتاب
مسجد الروضة ببئر العبد بعد تجديده
احداث انفجار مسجد العريش
  • استطلاع رأى

هل تؤيد قرار جامعة الأزهر الخاص بمنع الطلبة مرتدى البناطيل الممزقة من دخول الامتحان؟

  نعم


  لا


نتائج
  • القائمة البريدية
ضع اميلك هنا
  • معجبى الفيس بوك
  • معجبى تويتر

كيف تسعد زوجتك النكدية وتطلع عمرة

الأحد 26 أغسطس 2018 08:04:17 مساءًمشاهدات(694)

دي منقولة...بس جميلة............ هسميها........

(كيف تسعد زوجتك النكدية وتطلع عمرة)

الخطة الذهبية لإسعاد زوجتك النكديه في العيد وقطع عليها طريق مخطط النكد المنشود

خد عندك يا سيدي

1- إصحي الصبح قبل منها وحضرلها المشروب اللي بتحبه شاي او قهوة.

2- خد دوا القولون و كل من الفته أو الرقاق الي هي عاملاه !!!

3- قلها إنه حلو جدا واحسن من السنة اللي فاتت وإنك بقيتي استاذة فته ورقاق يا حبيبتي !!!

4-استغفر ربنا ع الكدبة دي في سرك

5- لو في غدا شارينه من برا اومامتك أوأختك لاقدر الله بعتهولك مثلا كل منه وقلها مش حلو خالص اكلك انتي احلي بكتير

6-استغفر ربنا في سرك

7-أما بقى لو حماتك إلى بعتتلكم الاكل او لحمه مثلا قولها طنط طول عمرها بتقدملي حاجات حلوة كفاية أنها ادتني احلى بسكوتة في الدنيا الي هو انتي يا قمري ولما تروحوا تعيدوا على حماتك كرر البؤين دول قدام حماتك

8 - بص مش هينفع تستغفر ع الحتة اللي فاتت دي انصحك احجز عمرة على طول وربنا غفور رحيم

9-اديها عيدية!! هتقولك هو انا صغيرة قلها انتي في نظري علي طول صغيرة  اشكر في هدومها وقلها أنها حلوة وشيك واحلى من الممثلات الصغيرين الجداد

10-استغفر ربنا تاني في سرك

11-زعق في العيال لما يلخبطوا البيت المترتب والنضيف وقلهم ماما تعبانة في التنضيف بس لازم يكون قدامها هتفرح جدا ما تزعقش للعيال علي الفاضي

12-خد بالك الشيطان رجع تاني وهو الي بيقول تسال ليه البيت ميبقاش نضيف كده طول السنة . اوعي تسال. استعيذ بالله من الشيطان الرجيم لان الاجابة معروفة انت وعيالك السبب !!

13-لو هتخرجوا تتغدوا او تتعشوا بره خليها هي تختار المطعم وسيبها تطلب إلى نفسها فيه

14-لو روحت أثناء إجازة العيد تشتري أي حاجة من السوبر ماركت هاتلها معاك شيكولاتة أو ايس كريم هتفرح قوي.

15- إضحك في وشها واتفرج معاها على التليفزيون بدل ما كل واحد ماسك تليفونه أو أي باده !!

16- استخدم برفانك الجديد إلى هي بتحبه وانت واخد رأيها فيه

17-لو شربت شاي أو قهوة اغسل المج أو الفنجان بعد مع تخلص ورجعه مكانه واعملها معاك مشروب حتى لو هتفتحلها كان بيبيسي هتفرح بالحركتين الاونطة دول وفي سرك قول ب السم الهاري

18-حاول مترميش هدومك ع السرير وعلقهم ع الشماعة ولو مقدرتش لا يكلف الله نفسا إلا وسعها

19-لو مجبتش هدية قلها أنا كنت عايز اجيبلك هدية بمناسبة العيد بس اكتشفت ان كل يوم معاكي عيد جديد وانتي اكبر وأجمل هدية أنا أخدتها في حياتي

20-استغفر ربنا جامد قوي المرة دي

21- حاول متبخلش عليها يعني العيدية بدل100 خليها 1000 جنيه

22- لما ترجع شغلك بعد العيد أبعتلها رسالة ع الواتس اب أو الفيس بوك قولها وحشتيني جدا ياريت الاجازة ما خلصت

وانت راجع من الشغل بقى لازم تعدي على حد أهل ثقة من رجال الدين يكون متعاون ومش متشدد يحاول يشوفلك طريقة ممكن تتوب بيها بعد الكذب ده كله...

وبعد كل ده لو هيه نجحت انها تنكد عليك ... اتكل علي الله وطلقها وانت ضميرك مرتاح .