الخميس 28 مارس 2024 - 11:16 صباحاً
اختيارات القراء يومى شهرى
  • فيديوهات
تحية للقوات المسلحة والجيش الابيض والشرطة لمجابهة كورنا
السيسى اثناء التصويت ف الانتخابات
السيسى اثناء التصويت ف الانتخابات
مسجد الروضة ببئر العبد بعد تجديده
احداث انفجار مسجد العريش
أول صورة للمتهم بأكل أحشاء شقيقه
  • استطلاع رأى

هل تتوقع نجاح تجربة المدارس اليابانية؟

  نعم


  لا


نتائج
  • القائمة البريدية
ضع اميلك هنا
  • معجبى الفيس بوك
  • معجبى تويتر

البنات و الكباب

الاثنين 10 سبتمبر 2018 09:09:39 صباحاًمشاهدات(757)
البنات دايما عندها رؤية انها تعيش حياة وردية مع شريك الحياة اللى جاي يشدها من قفاها لعش الزوجية الممتلئ بالسعادة و الرفاهية 
طبعا زهقانة من بيت ابوها و المشاركة او شيل كثير من الاعمال المنزلية 
و بعد وقت الخطوبة و الكلام  المعسول من الطرفين و اظهار كل ما هو جميل 
تأتي لحظة المفارقة
 ليلة الدخلة 
شهر عسل
حمل
ولادة 
ثم صويت و قريفة و نوم بالنهار مش نافع ولا ليل يدافع
و النونو علي نغمة واحده واء ماء تاء خاء شاء حمام بامبرز سخن بيرجع 
و تبدا الخناقات الزوجية انت مش بتحبني زي الاول 
انت مش بتحبيني زي الاول 
انت مش بتشاركني فى شغل البيت 
و انت مش بتصرفي معايا جوة البيت 
انا رايحة عند امي
المركب اللى تودي
و تروح عند امها 
و طبعا الجنة تحت اقدام الامهات 
ده ميستاهلكيش
هو ده اللى اللى بعتينا عشانة
سيبك منه 
و اول ما يروح ليها الراجل تمسكة تغسلة
و يحاول طبعا يوافق عميانى علي اي طلب لان وطاويط بطنة بتصرخ من الجوع و من الاكل الناشف 
و ترجع معاه يومين و ترجع لنفس الحكاية 
الخلاصة قبل ما تربوا عيالكوا يبقوا زيكوا 
علموهم ازاى يحترموا شريك حياتهم و ان الراجل لازم يساعد حتي لو بكلمة حتى لو يشيل حاجه او يشترى حاجه من برة
الحياة مش شغل بس ولا فلوس بس ولا فسح و خروجات بس
الحياة مشاركة ولازم نعيشها بكل تعبها و فرحها
لان محدش هيعيشك فى الجنة و انت تيس قاعد ملكش لازمة 
قوم اتحرك عيش و تعايش مع الحياة تفاعل بدل ما الموبايل واكل دماغك 
اعمل شير جوة حياتك مش علي صفحتك
خلي الايك يجيلك كلمة شكرا من مراتك او مامتك او جوزك او ابوكي
خلي اللى قدامك يشوفك باحسن صورة من جوة
مش علي الانستجرام بكام فلتر يا حلوة