كل خناقة وأنتم بخير وفي أفضل حال ودائما عامر بحسكم وتعيشون وتخنقون،

 

🛑♦️ خناقة الإجازات...😂😂

 

 دي بتكون حاجة هكذا زي القهوة المضبوطة هكذا بالميعاد والثانية بتبقى دائما معروفه قبلها أن في أجازه بكره أجازه الخميس والجمعة، الإجازات دي بتكون معروفة قبلها بالميعاد بتكون يتحضر قبلها من ليلتها أو قبلها بيومين موضوع الخناقة اللي هتم عليه خناقه الإجازة ودي غالبا بتكون من الحاجات اللي بتدي  طعم للأجازه 😂لأنها من غيرها ما تتحسبش أجازه وتبقي أنت محظوظ لو كانت الإجازة دي معروفه على على ايه وبتبقى عارف ان موضوع خناقه ده متكرر فانت بتبقى من المحظوظين😂 جدا لو الخناقه هي المتكرره معاك دائما في الاجازات انت في الوقت ده بيكون جسمك تنحس وتبلد 😅وفقد كل معاني الاحساس، انت هنا بتكون بتستعد خلاص في الاجازه -ما شاء الله- عليك بقيت جاهز لاي موقف في الاجازات وفي الخناقات.

 

 فأنت في حالة (#للمتزوجين_فقط #عش_الدبابير) وهؤلاء هم أصحاب الحظ الأكبر بنسبة 99.9 % الفائزين بهذه الخناقات.

 

🛑♦️خناقه العيد..😂😂

 

 دي بتكون عدت مرحله العالميه للخناقات ويعني اللي سماها خناقه العيد ظلمها لان دي بتبقى حاجه مقدسه مش موجوده  طول السنة .

 

الخناقات دي  بتبقى حاجه مقدسة مش موجوده غير في التوقيتات دي وبتبقى حاجه يعني أساسية رسمية والخناقه دي لازم تيجي لك سواء انت رضيت او ما رضيتش لازم هتاخدها  (( عيدية ))😂  فخدها وانت راضي أحسن .😂

 لانك  بتخدها مع الامضاء مع الاجازه يعني وانت بتاخد اجازتك كده في شغلك وبيقول لك كل سنه وانت طيب بتاخد معاها تذكره اسمها (خناقه العيد)🤣 وغالبا ذهاب فقط  بلا عودة 😥.........العودة علي ربنا .

 

 وتتميز  أنها  فور وصولك للبيت  بتسلم التذكره  في البيت عشان يبدا التعامل معاك  علي أساسها كام يوم نكد وكام يوم  خناق و كام يوم مناهدة وكام يوم مرضي .  طبقا لمدة  (الخناقة ) أقصد الاجازة .

 

ودي بتكون حاجه يعني أساسية عمرك ما هتحس بفرحة العيد او ببهجة العيد إلا لو خدت الجرعه بتاعه خناقه العيد وبتكون لها اسباب كثيره بصرف النظر يعني انت ممكن تختلف هتروح فين طب؟ هتاكل ايه  ؟ ولو اتفقنا هنلبس ايه؟ ده غير تافهات وأشباح وطلاسم غير معلومة   وهتفضل كده  .

 

خناقات العيد بتكون فيها متعه كبيره جدا وبتختلف من عيد لعيد يعني الاعياد القوميه غير الاعياد الوطنيه غير عيد الام غير عيد الاب غير عيد الاخ غير عيد الاخت .

 

مؤخرا في ناس شريره جدا 🙄 بتنادي بالغاء الاعياد والغاء المناسبات عشان نمنع الخناقات وطبعا الكلام ده ما ينفعش دي تبقى خساره فادحه لازم الخناقات يا حضرات ، 🤔

 

 الناس  لازم تصر على اجازات العيد ...من غيرها منعرفش نعيش ..من غيرها هرمون النكد هيتأثر...🤣...حافظوا عليها وسلموها للأجيال.............ولو لسه محتاج زيادة الجرعة شوف اي مسلسل عربي لازم هتفوز بمشهد سواد ونواح أصيل.