رؤية من منظوري الشخصي ...وليس تشأوم وأنما هكذا الحياة ,,فلقد جاء يوم ملاقاة ربك وأي كان اللقاء شهادة حادثة مرض ..جاء ملك الموت يعلنك فجأة موعدك حالا مع الله وكُشفت لك الحجب والبصر ورأيت ما لا يراه من بجوارك وقتها رأيت ملك الموت ورأيت الملائكة وما لم تتوقعه وما لم يخطر ببالك فدخلت في سكرة لا تشعر بما في الدنيا ولكن تسمع بكاء حولك ومن ينادي عليك ومن يحضنك وانت في سكرة مع عالم اول مرة تشوفه تتعامل معهم ولن تستطيع ان تستر عوراتك ان ترد علي أحبابك ان تفك تخشب ساقيك ان تغلق فمك ان تطلب جرعة مياه ان تطلب نسمه هواء تسمعهم ولا تستطع الرد انت بتجهز للقاء الله مع عالم خفي لكنه كُشف لك فقط تلك اللحظة لن تستطع ان تحرك لسانك بوصية او بوادع ربما سقطت دموعك ..انت الان في صندوق مغلق مظلم مغادر الدنيا للقاء الله....ستسمع من يقول الله يرحمه ومن يقول خد ايه من الدنيا ومن يقول عايزين نلحق ندفنه قبل الليل ومن يقول حد جهز أكل للناس يلاه بسرعة عشان نلحق العزاء ومن يقول عايز ألحق قطار العودة ومن يقول ريح واستريح...ومن ستلبس الاسود فقط ساعة الدفنة ومن ستلبسه حتي العزاء حتي زوجتك لو كانت فقدتك فعلا كام يوم عزاء والحي أبقي عشان الأولاد اللي هم نفسهم هيقولوا ربنا يرحمه نبقي نعمل صدقة له ده لو بيحبوك ويلاه عشان ماما مش هتستحمل خايفين عليها ... وانت نازل قبرك وبتنادي لا تتركوني وحدي أبقوا معي أسمع خطوات أرجلكم ترحل أنتظروا الدعاء لي التثبيت لي......والكل يغادر لمعاد الغداء ثم العزاء وستمع من يتكلم هو كتب وصية لحد معين ؟؟ولا مين ؟؟؟ بكره نعمل أعلام وراثة وسيغلقون عليك باباً حديداً بقفلاً لن تخرج ... يلاه مين هيركب نوصله ده في مكان فاضي في العربية دي خد اديها تشرب هنبقي نجي نسقي الزرع لأحسن ولاده مش هيستحملوا يجيوا المقابر لوحدهم بيخافوا.....يا عم كام يوم ونخدهم يغيروا جو ونطلعهم من المود ده ولو اني هم قلبهم جامد ماسكين نفسهم......وكمان.......والأصوات بتبعد عنك شيئًا فشيئًا...........وتلاشت الأصوات.... وبقيت بين يدي الرحمن ..وجاءت الملائكة تسألك من ربك ومن الرسول وما دينك.......وستتمني ان ترجع فقط لتكثر الصدقة لنفسك... ولو شهيد ستتمني ان تشتشهد لما ستري.......هناك عالم اخر....رب كريم حنان رحيم....ستعرفه لحظة رؤية وسماع من كانوا يأكلون ويشربون معاك ولو كانوا من صلبك!!!