الكفر هو عدم الايمان سواء في العقيدة او عدم الايمان بقدراتك الداخليه و لما يبقي عندك كل الامكانيات دى و مش عايز او مش عارف تستخدم امكانياتك...!
يعني ايه كل تفكيرك تهاجر و تهجر كل شئ ..
اقولك انا يعني إيه....
يعني تتعامل باقي عمرك بلغة مش بتاعتك
يعني تتنازل عن كرامتك و تقبل اي شئ عشان بس تعيش!
يعني تتنازل عن عاداتك و تقاليدك و تحاول تغير جلدك عشان تعجبهم!
و لو انت متدين شويه للاسف احتمال كبير تتنازل عن دينك...
انت ياللي بتلم و بتبيع اللي وراك و اللي قدامك عشان ترمي نفسك في اهوال البحر عشان تغسل صحون ولا تمسح ارض ولا تشيل لحد ما حيلك يتهد !
انت ازاي تفكيرك يقولك تبيع نفسك بفلوسك و اصلا ليه مبداتش بالفلوس دى لنفسك و تعمل مشروع ولا تبدا شغل
ازاي بتدفع ١٠٠ الف او اكتر عشان بس تشتغل خدام؟
يا اخي ما تروح تشتغل في اي مكان او شغل دماغك و ابدا مشروع!
مع كل يوم و مع كل لحظة انت عندك فرصه جديدة عشان تبدا من جديد
طيب ليه تبدا في بلدك؟
عشان لغتك
عشان دينك
عاداتك
تقاليدك
اهلك يا اخي
اصحابك
متقنعنيش انك ملكش غالي ولا عزيز
ابدا و شوف هتوصل ازاي
الحياة مش سهله لكن بره مش اسهل