الجمعة 18 يونيو 2021 - 11:52 صباحاً
  • فيديوهات
تحية للقوات المسلحة والجيش الابيض والشرطة لمجابهة كورنا
السيسى اثناء التصويت ف الانتخابات
السيسى اثناء التصويت ف الانتخابات
لحظة تكريم دكتور ياسر طنطاوي واستلامه شهادة شكر وتقدير من اتحاد الكتاب
مسجد الروضة ببئر العبد بعد تجديده
احداث انفجار مسجد العريش
  • استطلاع رأى

هل تتوقع نجاح تجربة المدارس اليابانية؟

  نعم


  لا


نتائج
  • القائمة البريدية
ضع اميلك هنا
  • معجبى الفيس بوك
  • معجبى تويتر

(الإتجاه المعاكس)

الأربعاء 19 مايو 2021 07:41:11 مساءًمشاهدات(775)
الحقيقة الحياة ستظل وتعلمنا الكثير والكثير وسنطوف قلوب البشر وعقولهم وسنعود بمواقف يتفق عليها البعض ويختلف الاخر.........ولكن هناك أمور ليس لها قواعد وليس لها إتجاه واحد وقد تصل ولا تعود وقد تعود ولا تصل......ومن هذه الأمور ...الازدواجية او التضاد او أنك لا تعرف ما المطلوب .........وتلك النظريات كلها هي خاصة وخاصة فقط بالكائن اللطيف ألا وهو المرأة.. نعم.....كل المواقف بتجمع في وقت واحد وكل المشاعر بتلتف حولك ذات اللحظة ........ففي لحظة بتكون لحظة أسمها السعادة تتخللها البسمة وسرعان ما تتغير ملامح الوجه ولا تعرف أهو جن ظهر بخلفك أو علي وجهك وهي الوحيدة التي تراه ...لا تعلم ولكن التحول ده بيكون علي صيغة.....(أه نسيت أقولك.......) أنت طبعا مش بتركز في اللي بعد المقطع ده...لأنك بتكون في مرحلة سحب الروح وانقطاع النفس....لأن إنقلب البسمة وذعر الملامح مع نسيت اقولك.......غالبا...بيكون كارثة حصلت او طلب هتجيبه او مشوار انشقت عنه الارض......المهم لما بتفوق بتعرف باقي المقطع ..........وأحيانا بتشوف نجوم المريخ وتداخلها مع شمس القمر....اللي هو لازم تروح الشغل عشان ده لقمة العيش وكل طلبات البيت والحياة ومستلزمات الكون ولكن ذات اللحظة هو احنا بنشوفك....لازم تقعد مع الأولاد وعايزين نخرج ونصيف ونعيد ونتفسح ..وطبعا حضرتك بتكون بتطبع الفلوس في الماكينة اللي مخبيها تحت البلاط وبتعمل حسابك في فلوس جديدة عشان العيدية ..وبتاخد دعواتك من قبيل ربنا ما يحرمنا منك وتعيش وتجيب وكلمات كده تحس انها رايحة في سكة انك تعيش عشان تجيب وده هدفك ولا تحيد عنه....... وفي وقت بيشتد فيه التضاد وهو أزاي تاخد اجازة ترتاح ونفس اليوم لازم تروح عشان تجيب وتطلع عشان تنزل ،ودي اجازة من الشغل مش من البيت والبيت ليس له اجازة قط ممنوع الأجازات للطوارئ المستمرة..........وبعدين سيأتي وقت نظرية المؤامرة..........وبتبدء بكلمة( تأكل ايه بكره ) دي غالبا بيتبعها تسونامي لانك هتقول عشان تخلص مش عشان نفسك يعيني في حاجة.....بس هتكتشف ان اللي قولته ضد النظام وممكن نغير او نبدل ...ولو استمرت في الخيط ده هتلبس في عمود نور مكهرب ..فحتما وبسرعة اقفز مع أول حرف في أي حاجة شباك قطار معدي، سفينة مبحرة ..المهم.......إياك والاستدراك...... في لحظة بتكون كل ما تتمني من العالم أنك تكون فيها في استرخاء ذهني ..اللحظة دي انت متهم ومحور شك...بتفكر في ايه ومين ومش بتساعد ليه في البيت والعيال بدل ما انت قاعد كده؟؟؟! طبعا انت بتكون قي غيبوبة واللي محدش عارفه انك بتحول تلتقط انفاسك وانت باصص للسقف بتركز هو احنا فين وليه ؟؟؟! وبتراجع شريط الشغل والمطلوب والفينو واللبن وبتحول تظبط ...لكن انت في نظر الاخرين بتريح ودي كارثة.... واللحظة دي بتكون مقدسة جداً للرجل هي سر أنه لسه عايش للأن ومن يعرف ذلك لن يقترب منه أو يحدثه لأنه بيعمل أعادة تشغيل للجهاز العصبي وان أي حدث او كلام او طلبات لن يلتفت إليها إطلاقا وغالبا بتكون مرحلة هز الرأس بدون وعي. ستجد الإتجاه وعكسه.....بمعني الجو برد ..بس شغل التكيف،،، الجو حر.....اقفل الشباك عشان التراب ونضافة الشقة............حر بس برد.....جعان بس عطشان.....شغل بس خروج...........مفيش بس هات...........روح بس تعالي........نام بس خليك صاحي..........المهم حضرتك هتفضل كده ويموت المعلم ولا يتعلم...........ولن تستطيع أن تفك الشفرة لأن الشفرة ذاتها ليس لها حل...دي أتصنعت وأترمت في المحيط في مثلث برمودا...............