هناء الحديدي

أيها القاتل المستفز : علشان تبقي تقولي لاءة ! عجبت لسؤالك ... واقول لك بدلاً عن هذه المسكينة والالاف البنات مثلها ....وش امك مش عاجبها وبصراحة عندها حق الله يرحمها شكلها ذوق وبتفهم ... هي حرة ... هو الجواز بالعافية ... ينفع حد يجبرك تاكل من طبق قرفان منه ؟ أو تتجوز واحدة انت مش قابل شكلها مش بالعها مش نازلة لك من زور مش طايق تبص في وشها ؟ ...... والعكس صحيح .... (والكلام موجه بردوا للبنات )..... ده مش مبرر لزهق الأرواح ومطاردة الآخرين والتنكيل بهم ومحاربتهم في معيشتهم وبث الفتنة والفرقة بينهم وبين من اختارتهم قلوبهم وعقولهم .....لماذا لا تتقبل أرواحكم وعقولكم ثقافة الرفض ... ده مش معناه أن فيك أو فيكي عيب.... وبلاش نسأل السؤال الغبي اللى هو قولي سبب رفضك ليا وانا اغيره أو فيا ايه مش عاجبك ؛ لأن ممكن الطرف الرافض نفسه مش عارف السبب أو مش قادر يحده ... دي ارواح بتتلاقى .... لازم تكون عارف أن فيه طرف آخر من نصيبك بيدور عليك بردوا وسط الناس .... فيه ركن هام للزواج إسمه القبول والايجاب ومن أجله جاءت الرؤية الشرعية .... شباب وبنات محتاجين تربية وإعادة تأهيل .... الباب الذي يغلق في وجهك عمدا ... إياك أن تطرقه ولوصدفة ....