يسعدني كمؤلف لكتابي الساخر (#للمتزوجين_فقط ) 

(#الطبعة_الرابعة ) أن أقدم هذه الوصفة السهلة السريعة لكل زوجة تحب وبكل سرور تخسر زوجها و تطفشه من قلبها قبل بيتها.

 

نعم ماهي الزوجة بتاخد الشقة والشبكة و المنقولات والعيال والتليفون والغاز والمياه والكهرباء وقبلهم صحتك وجهدك في تأسيس الشقة دي وشراء المنقولات دي وطبعا الشبكة ومصاريف الحمل والولادة والتربية والمدارس ....يعني أنت بعدها بتبدء من جديد علي الزيرو تجهز نفسك من الأول.....

 

هو أنا لما قلت في لقاءاتي الإعلامية أننا كأزواج نطلب بالمساواة بحقوق الزوجة ... أو في العموم مساواة حقوق الرجل بحقوق المرأة.....شوف كده حالات التحرش من الفتيات الأن باللمز و الغمز والكلمات وغيره للشباب وحتي لو متزوج عقابها أيه ؟!

 

♦️ نرجع للوصفة السحرية ، عزيزتي الزوجة ..ورق وقلم ومع بعض هنسجل تلك النقاط وبعدين قطعي الورقة و أحفظيها في عقلك وليس قلبك حتي لا تضعفي و تنفذيها

 

*🛟  البوز الخشب أرجوك لا تتنزلي عنه دائماً وأبدأ .

 

*🛟 كل مناسبة سعيدة أو أجازة أو عطلة لازم قبلها تكوني مجهزة مشكلة تنكدي عليه بيها ولازم تكون مختلفة عن اللي قبلها عشان ميقولش وش نكد .

 

*🛟 مع كل فسحة لازم هتشغليه بعدد الشنط . كده بدءت أول خطوات الغضب ثم تعليقاتك في الذهاب والعودة وشوية توابل أثناء الفسحة من نوعية طلبات المنزل والمدارس وملابس الشتاء وجلدة الحنفية.

 لما تروحوا البيت بقي أحذرك تشكريه علي الفسحة ولكن هتقولي 👈( هو كل فسحة كده لازم تنكد علينا ) دي جملة مفعولها سحر ممكن تقتله بسكته وتخلصي .

 

*🛟  وهو راجع من شغله ،إياك تنتظريه علي الباب ببسمة وكوباية ليمون ، إطلاقا هنتذكر الوش الخشب وكمان مش انت اللي تفتحي الباب أي حد معدي بالصدفة حتي لو البواب .

أنت هتستلميه بعد دخوله شفت العيال عملوا إيه ؟! ، وممكن تحطي وصل الكهربا في دخوله علي أول ترابيزة تقع عينه عليها ،بتجيب نتيجة فعالة جدا .

هيحاول يدخل ياخد دش ،أنت وراه أنا مش بكلمك ، الأكل جاهز أنت حر بقي .

 

*🛟  لودخل ينام شوية ، هتحاولي بشتي الطرق تطيري النوم من عقله ، يكون مُغيب يعني.

لما يقوم بقي ويحاول يشرب شوية شاي بالنعناع ..ركزي بقي عشان دي القاضية..

 

*🛟عندك أختيارات ...أما هتقولي أقوم أعمله لنفسك ؟

أو تعمليه وتطفحهوله ، أزاي ؟! 

 هقولك متخفيش لسه معاك ...لما هتجيبي الشاي هتلاقيه باصص في السقف بيحاول يعيني يفصل عقله عن الواقع ....فرصتك هنا بقي ..... هتقولي👈 ( سرحان في مين ، وهي لو تعرف القرف اللي أنا فيه مكنتش فكرت فيك )

هو مذهول لسه وبيحاول يتجاهلك .....أعملي مداخلة تانية ....👈( البوز الخشب مع نفخة )

 

أول ما هيقولك مالك حبيبتي ؟!  ...علي طول ردك جاهز 

👈( ما أنت لو مهتم كنت عرفت لوحدك )..

هو كده خلاص أستوي ، أخر محاولة أنه بيحاول يفتح يوتيوب يسمعكم حاجة مع الشاي وبالصدفة جات أغنية 

👈( أختياراتي مدمرة حياتي ) 

بس كده ...جني عل نفسه .....علي غرفتك وأرزعي الباب وراك .

 

لو نجي هو من 👈السكتة الدماغية هيدخل في👈 جلطة قلبية ولو نجي غالباً  يا👈 غيبوبة يا 👈شلل رعاش...أَقل الاحتمالات👈 هينزل من البيت وينحرف..

 

💪 وهتكوني أنت سبب خروجه وطفشانه وأنحرافه مع أصدقاء السوء وهتكون دي بداية النهاية لأنه خلاص طفش من قلبك وترك دُنيتك وسلك طريق تاني وتالت ..💪💪

 

👈👈وللحوار باقية....في الحلقة القادمة عشان تأثرت جداً جداً بموقف الزوجة وأيدي بتترعش في الكتابة..ربنا يصبرها وتنجح في مهمتها.👐