محمد عبد اللطيف .... موهبة تظهر وتنتشر بين أوساط الشباب ... تبحث عن التميّز والإبداع
الأحد 17 يناير 2021 11:51:00 مساءً
متابعة : هناء الحديدي
محمد عبداللطيف محمد السيد ، شاب سيبلغ عامه العشرين في الرابع عشر من فبراير القادم بإذن الله تعالى ، يدرس في السنة الثانيه من كلية الهندسه بالفرقه الأولى قسم كهرباء ، من كفر صقر بمحافظة الشرقية.
يوضح " محمد " هدفه من خلال ما يقدمه من محتوى على وسائل التواصل الاجتماعي قائلاً : بحاول انتقد حجات بتحصل معانا بشكل كوميدي مش اكتر واسلط عليها الضوء وأوجد حلول لها أو اوضح ايجابيات أو سلبيات الحجات دي على مجتمعنا ، انا عارف اني مش اول ولا اخر واحد يعمل حاجه زي دي بس بتمنى اني اكون مميز فيها وأقدر أكون فعال ومؤثر فعلا في إفادة المجتمع.
ويتابع " محمد " حديثه : " كنت بعمل فيديوز من تالتة اعدادي بس كانت حجات عاديه وبسيطة ، وبعد كدا بدأت اشتغل وانا في ثانوي بس ملقتش الجمهور والسبورت من الناس اللي جمبي ، في الاول المتابعين او الجمهور مكنش كبير ، بدأت في الأول على التيك توك بعدها عملت فيديوهات على اليوتيوب وبالفعل أحرزت بفضل الله نسب مشاهدة عالية في وقت قصير ، وخلال ال11 يوم اللي فاتوا الحمدلله وصلت لرقم كويس جدا من المتابعين في فتره قصيره ، من خلال آخر أعمالي اللى كان فيديو بسيط بيوضح حيرة الناس في اختيار ابليكشين بديل للواتساب .