يجتمعون داخل ستوديو صوت صغير بأسوان، من أجل تأليف وتلحين وغناء مجموعة من الأغنيات التى تعبر عن الشباب الصعيدى، 7 شباب جاءوا من محافظات مختلفة فى صعيد مصر: أسوان، أسيوط، سوهاج وقنا، هم أيوب الجبلاوى، محمد فؤاد، محمود، جاسر، محمد مرعى ومحمود يسرى، أحلام عدة يتحدثون عنها، تخرج منهم على شكل «مزيكا» تعبر عنهم. يحكى «الجبلاوى» عن فرقتهم «beat band» بقوله: «إحنا مجموعة بتكتب وتلحن وتعزف وتغنى، الفرقة هى اللى جمعتنا، جزء مننا كان صحاب، وبدأنا نجمع بعض، واحد بيعزف والتانى بيغنى، لحد ما بدأنا الفرقة». أغانيهم عن مشاكل الحياة بشكل عام، ولكن قضيتهم الأكبر هى الصعيد، فمن خلال فرقتهم يحاولون توصيل الصوت الجوانى، ومن أعمالهم «شارع الجنوب»: «الجنوب فيه صعوبات بيواجهها الشباب، ماحدش عارف يطلع منها، إزاى نوصل فكرتنا من وعن الصعيد، بنعرف الناس إزاى الصعيد حزين، مفيش إمكانيات تحقق طموحات الشباب، فيه مجالات كتير ماحدش بيعرف يوصل فيها مش الغنا بس».

 

وصول الفرقة إلى هدفها كان يتطلب المجىء إلى القاهرة، والبدء من الصفر، لكنهم قرروا أن يبدأوا من الصعيد نفسه، وفى آخر اجتماع لهم قرروا عمل أغانٍ مصورة لهم على موقع «يوتيوب»، لمحاولة الانتشار من خلاله، وعن أغنية «قطرك مالوهش ميعاد» التى أنتجتها الفرقة قال «الجبلاوى»: «الأغنية بتتكلم عن رحلة قطر والمعاناة داخلها من خلال قصة شاب بيركب القطر من أول محطة لآخرها ليجسد الحياة داخله».