منذ نعومة اظافر اي طفل و هو يرى اهله كقدوة له عن اي شخص اخر
و بعد إتمام السنين الاولي للذكر و عند اتمام سن ال 10 سنوات
يبدأ الأهل فى الفصل بينة و بين اي بنت فى العائلة و كأنة جرثومة بشرية
و بالنسبة للبنات يبدا الحساب علي كل شئ و كأن بنت امبارح خلاص اتحولت لجوهرة الجواهر و مسؤله عن كل شئ بعد ما كانت بتلبس الفساتين لا خلاص الكلام ده خلص
و تبدا المدارس هي الاخري فى الفصل بين الجنسين
و بهذا يبدا الاولاد بالانجذاب لبعضهما اكثر و اكثر فى وقت المراهقة
و تبدأ مرحلة البوى فريند العجيبة الغريبة
و يلومون البنت علي كل شئ
و من الاساس لم يتم حجب او الشد علي الولد من اي جانب
فللولد كل الحقوق و البنت كل الواجبات
و يبدا الولد بعد تجارب عديدة من اختيار عايز صديقة او صاحبة
لاختيار شريكة الحياة اللى اصلا مش فاهم يتعامل معاها ازاى
بس هو هيفكر لية ما للولد كل حقوق الاختيار و البنت كل الواجبات
و تبدا الام فى رن بعض الكلمات الجميلة و طبعا للاقارب و الاصدقاء الدور الاكثر
ربنا يرزقك اللى زي القمر اللى تفرح بيها
و يلف الولد الاهطل فى الثانوي و الجامعة و ما بعد الجامعة
يدور علي اللى عنيها ملونة و شعرها ناعم و قوامها الممشوق
و بعد عناء يلاقى الشكل المرغوب و يروح يشترية من المحل اقصد يتقدملها
و فى الاخر يقول الجواز ده شئ مقزز و الست دي نكدية و يرميها فى الشارع رمية الكلاب
و فى الاخر حاجه من اتنين يا واحده صايعة تلف عليه و تلففه حوالين نفسة و تقطم وسطة من الطلبات
يا اما يشوف اي واحده ممكن تفهمة حتي لو كانت حولة و قرعة
طيب ليه مش بتقولوا للشاب انه لازم يختار اللى تفهمة و اللى عندها دين عشان تتقي ربنا فيه و تسعدة و كذلك البنت
لية بتقولوا خدي الغني و لية مينفعش تاخد اللى عنده احترام ليها اللى بيرزق ربنا مش العريس
الخلاصة
لازم اللى يختار يشوف افضل شخص يتعاون معاه فى الحياة مش اللى تاخد فلوسة و اللى ياخد جمالها
هي مش مسابقة مين ياخد الاغني او الاجمل
خد اللى تسمعلك و تربى عيالك علي الاحترام و التدين
و البنت لازم تختار اللى يفهمها و يساعدها فى الحياة و يكون لعيالها قدوة
قال رسول الله صل الله عليه و سلم
فاظفر بذات الدين تربت يداك
دي اللى احسن من الجميلة و الغنية و اللى ليها حسب و نسب