الاهتمام هو الحاجة الوحيدة اللى كلنا بنعملها كل يوم بس تقريبا فى سوء تفاهم بينا و بين المعني الحقيقي للكلمة دي

فى الاساس الاهتمام مش شرط بين اثنين لا بالعكس اي حاجه هتهتم بيها هتهتم بيك حتي لو اشياء او حيوانات

بس حاليا فى عصر الزحمة اللى احنا عايشين فيه بقى الاهتمام بقى بس مقتصر علي التقليد او الوصول للقمة مهما كانت الظروف

و بعد فترة بنلاقى نفسنا كبرنا قوى قوي و تعساء قوي قوي و مفيش اهتمام من اى حد اهتمام حقيقي اهتمام واقعي 

الاهل مفيش عندهم فكرة الاهتمام بالابناء سايبينهم يعملوا اللى هما عايزينه علي اعتقاد انهم كده بيبنوا شخصيتهم 

المخطوبين ممكن يكون الاهتمام الوحيد اللى بينهم ان البنت تكون 7 فى 1 و الولد يكون معاه فلوس كتير حتي لو حرامي مش مهم

الاصحاب كل اهتمامهم القاعدة الحلوة و الضحك المزيف لفترة معينة

و للاسف لما بنلاقى حد بيفهم يعني ايه اهتمام بنمسك فيه لا اراديا و بنشعر بسعادة غريبة و احنا جنبة و للاسف عشان عارفين و ضامنين انه موجود دايما جنبنا بيكون تعاملنا معاه مش علي نفس المستوى اللى هو بيقدمه لينا فعادي نجرحة او نتراخم عليه او نقلل منه و نتريق عليه قدام الناس عادي ما هو كده كده موجود و لما يزعل ندوس كمان ما هو عنده اهتمام و نشبهه بالاطفال اللى بيزعلوا حتي اصلا الاطفال بنقول عليهم احباب الله و لكن للاسف لما نحب نهزء اي حد نقول عليه طفل مباشرة او نشبهه بأي حاجه متخلفة

و لما يبتدي يبعد او يقلل اهتمامه بينا نرجع له و ندوس اكتر و نشد عليه و نقوله انت ليه اتغيرت قوي كده انت مش نفس الشخص بتاع زمان انت بياع انت منافق انت انت انت انت انت .. . .. .. . .. . . . . .. . . 

و اصلا الغلطان مش هو بالعكس احنا اللى بأسلوبنا طردناه بره حياتنا و نرجع نلوم علي الكل انهم فاسدين او معندهمش اي احاسيس و نحب العزلة اكتر و النفسية تسوء اكتر و اكتر 

طيب ليه كل ده؟ 

ليه بندمر حياتنا بالطريقة دي 

ايه الهدف من السعي وراء المادة فقط؟

الرسول علي افضل الصلاة و السلام

 قال تبسمك فى وجه اخيك صدقه 

صدق رسول الله صل الله عليه و سلم