لو بتحلم وانت صاحى انك حر وخفيف وبتضحك وبتخرج مع ناس بتحبهم وبتحكى احداث يومك مع حد قريب منك ، لو بتحلم انك فى مكان 

جميل مش خايف من اى حد فيه وبتمارس هواياتك من غير ما حد يتنمر بيك،وتفوق بعدها بشوية وتقول اهى عيشة والسلام ومحدش واخد منها حاجة وزينا زى غيرنا وخلاص  ، عاوز اقولك دا مش حلم ،دا حقك على نفسك وروحك وجسدك  ، دا اساس الحياه واساس العيشة واساس الانسانية ،دا اساس التقدم والرقى والازدهار ، دا اساس النجاح،ومين خلاها عيشة والسلام غير السلبية والتطنيش،ومين قالك انك مش واخد منها حاجة ، انت هتاخد منها اهم حاجة هتاخد منها اكبر رصيد يفيدك فى كل حاجة ،  من حقك على نفسك انها تعيش معززة مكرمة ومبسوطة ، والكلام مش للناس اللى معاها فلوس وجاه ونفوز عشان محدش يقول انا على قدى ومقدرش ، الكلام لكل انسان غنى كان ام كان غلبان ، عارفة انك هتقول صعب ، بس هقول جرب وتخلص اى حاجة بسيطة مضيقاك وساعتها بس هتحس انك انسان تستاهل الحياة، 

تحرر من قيودك وحلق فى سماء الحرية وتخلص من كل ما يؤلمك ويؤذيك وافعل ما تريد وقتما تريد طالما لا تؤذى احد ، تخلص من همومك واهاتك المتكرره  فلا احد يتغير ولا احد يشعر بك الا نفسك ، حاول ان تاخذ خطوة جديدة فى حياتك تدفعك الى النجاح ، ففى النهاية لا يصح الا الصحيح .