الثلاثاء 20 أغسطس 2019 - 09:03 صباحاً
  • فيديوهات
الرئيس السيسي يسلم الأنواط لأوائل الخريجين من كلية الشرطة
السيسى اثناء التصويت ف الانتخابات
السيسى اثناء التصويت ف الانتخابات
لحظة تكريم دكتور ياسر طنطاوي واستلامه شهادة شكر وتقدير من اتحاد الكتاب
مسجد الروضة ببئر العبد بعد تجديده
احداث انفجار مسجد العريش
  • استطلاع رأى

هل تؤيد قرار جامعة الأزهر الخاص بمنع الطلبة مرتدى البناطيل الممزقة من دخول الامتحان؟

  نعم


  لا


نتائج
  • القائمة البريدية
ضع اميلك هنا
  • معجبى الفيس بوك
  • معجبى تويتر

يابختك

الأربعاء 09 يناير 2019 12:50:02 صباحاًمشاهدات(345)
وانت قاعد فى حالك ومش مركز مع حد ولا دريان وعايش يومك وخلاص ،يعنى شوية شغل على مشاوير على متطلبات بتستقضيها لبيتك ومشاكل ومشاغل لاهل بينك مضيع فيها وقتك ،تلاقى واحد طلعلك من تحت الارض يقولك يا بختك انا بحقد عليك ،كلمة غريبة مش عارف مين اللى اخترعها واللى يسمعها يحس انك من الاقطاعيين اللى كل حاجة فى حياتهم اطلب تجاب ،تستغرب قوى من الكلمة وتستفسر .. انا .. ليه.. يقول اصل انت مش متجوز ولا عندك وجع الدماغ اللى عندى .. وجع دماغ قولى بقى ايه اللى عندك مخليك حاقد ومركز كدا على اللى حوليك .. يقولك ولا يقولك بفتح او كسر الكاف اصللها كانت جوازة منيلة والعيال طلباتهم حاجة تقرف ومش ملاحق على الهم اللى بيجرى ورايا ،تفكر شوية كدا فى الكلام .. وتقول يعنى انا اللى عايش فى المالديف ما انا كمان عندى مشاغل ومشاكل زى اللى عندك بالضبط ،على الاقل لسه مثبتوش الحالة الاجتماعية اللى اسمها اعزب ويعول للى زى حالتنا ،فينا ايه زايد عن اللى متجوزوش وعندهم عيال ،مكلنا فى الهوا سوا بناكل وبنشرب وبنلبس وبنتمرمط فى مشاغل ومشاكل البيت والاسرة والعيلة ،وبعدين انت ولا انت هو انا اللى جوزتكو وخلتكو تخلفو وبعدين كنتوافاكري الجواز دا ايه مثلا وجاهة اجتماعية ولا تعديل لقب فى ملفات السجل المدنى وخلاص ، كنت فين من مسؤليات بيتكو قبل متتجوزوا،محدش قالك انه مسؤلية وانه وجع دماغ،متخبطش فى اى مشكلة فى بيتكو وحسيت ولو لمرة انك ممكن تعيش نفس الماساة ولا كنت مخزن نفسك فى صندوق التخزين السحابى وفجاة كدا نزلك على الارض،لو هتقول لحد يابختك هتقولك لنفسك ياللى عشت حياتك بالطول والعرض لحد مخترت لنفسك شريك الحياه ولا انت فاكر ان كل الناس زيك مركونة فى صندوق التخزين السحابى؟