السبت 16 فبراير 2019 - 09:00 مساءً
- فيديوهات
الرئيس السيسي يسلم الأنواط لأوائل الخريجين من كلية الشرطة
السيسى اثناء التصويت ف الانتخابات
السيسى اثناء التصويت ف الانتخابات
لحظة تكريم دكتور ياسر طنطاوي واستلامه شهادة شكر وتقدير من اتحاد الكتاب
مسجد الروضة ببئر العبد بعد تجديده
احداث انفجار مسجد العريش
- أراء
- استطلاع رأى
- القائمة البريدية
- معجبى الفيس بوك
- معجبى تويتر
زمن الطيبة
الخميس 24 يناير 2019 03:08:15 مساءًمشاهدات(74)
الله يسامح السنين
غيرت طبع الفلاحين
كنت زمان تروح الغيط
تفضل ساعات وتنسى البيت
وجارك يعزم عليك بالشاي
تشرب وتقوله تسلم إيديك
كانت نفوس يا ناس صافيه
وقلوب عمرانه بالحب دافيه
دلوقتي التعامل بالعافيه
كل يوم تلاقي خناقات
والاسباب بتكون تفهات
جاموسه كلت عودين برسيم
او حمار خطف كوزين
أو سد الميه زياده دقيقتن
تلاقي الخبط نزل على الراس
وأقرب حاجه محشه وفاس
والدم يا ناس بيكون فضاح
بيخلي صحبه على طول محتاس
نادي يا واد على ابن عمك
دا كرمتنا عليها أنداس
أحلق شنبي ومنبقاش رجاله
لو مجاش الرجل وباس
والشيطان يعلب دوره
والشرطه تبعت حراس
بس الوقت يا ناس عدى
وبيوت أتقفلت وخلاص
من هنا قتيل ومن هنا قتيل
وطفل يتيم مكسور الراس
فين الدين فين الاخلاص
ولا كلام بس وخلاص
عارف أني أبويا فلاح وابوك فلاح
بس زمنهم وللا وراح
كانت ناس كلها طيبه
كانت ناس تخشى العيبه
نفسي نرجع لطيبة زمان
ولا حلم ياناس في منام
أهم المواضيع
فيس بوك
تعليقات