إبراهيم سعد

كتير من البنات عندهم اسراف رهيب مش بستثني الولاد و لكن الاكثر اسرافا هم النص الحلو عشان الحلو يفضل حلو لازم مصاريف مش معقول يعني يبقى حلو ببلاش ده النحل بيقعد سنة كامله عشان ينتج لينا العسل الجميل اللى فيه شفاء لكن فى كتير منهم مش عارفين ان الحياة ممكن بامور بسيطة ينفع تكون احلي و اوفر و احسن مما كانت و مش بقول للفقراء اعملوا كذا ابدا انا بقول الامكنيات علي حسب امكانياتك عيش اولا : لازم تعمل لنفسك دراسة جدوي شوف اللى ليك و اللي عليك يعني لازم تشوف انت ايه اللى تقدر عليه و ايه اللى انت ضعيف فيه ثانيا : حدد اهدافك بدقة متناهيه اعرف انت عايز توصل لايه فى المستقبل مينفعش تعيش بدون هدف ثالثا : تخلص من مشوشات الحياة ارمي و بيع و شيل اي حاجه فى حياتك ملهاش لازمة عشان الحاجات الزيادة دايما بتوقفك عن التطور رابعا : اعرف هتوصل ازاى فى مواقع علي الانترنت ممكن تعلمك كل حاجه و ببلاش او بمبالغ بسيطة جدا و رمزية جدا احسن من اي كورس عادي خامسا : المثابرة حاول كتير و كل ما تفشل فكر نفسك بهدفك و اطلب من ربنا يساعدك سادسا : النجاح مش حكر علي حد انت و اى حد بيقرا المقال فى ايده كنز و لكن كلنا للاسف و انا اولكم مش بنبص للى فى ادينا بالعكس بنبص فوق بدون اي اساس سابعا : صدقة العلم نشرة اوعي تفكر انك لما تقفل اللى انت عارفة عن الناس يبقى انت كده ناصح بالعكس انت كده فاشل جدا ثامنا : ساعد كل شخص محتاج مساعدة لانك ببساطة لما بتساعد اي حد مهاراتك بتثقل و بتزيد غير رضى ربنا عنك و مساعدته ليك تاسعا : الاستثمار فى العلم احسن من الاستثمار فى الحجر طور من نفسك و اتعلم حتي لو هتصرف كتير اكيد عمر ما العلم ما هيضرك فى يوم عاشرا : احمد ربنا دايما و خلي عندك قناعة انك افضل من غيرك و اكيد هتوصل للي نفسك فيه