إبراهيم سعد

اي انسان بيحب دايما يكون متعلق بحاجه كبيرة حاجه هي اللى ممكن تحققلة كل امنياتة حاجه تقدر تحمية من اي شر و بدون التدخل فى مفاهيم دينية و دنياوية بنلاقى ان كتير مننا بيكون عايز يوصل لاهدافة و اللى يتمني يوصلة فى المستقبل اى حلم جميل عشان يتحقق لازم خطوات معينة عشان يظهر للنور و يبقى حاجه قوية جدا جدا لكن المشكلة ان فى اشتباه كبير جدا جدا بين التوكل و التواكل انك تتوكل علي الله هو انك تسعي و تعمل كل اللى عليك و النجاح و الوصول للقمة ده بايد ربنا سبحانه و تعالى جميل انك تبذل كل مجهودك عشان توصل للي نفسك فيه و عمرك ما هتلاقى خيبة امل طول ما انت فعلا بتجتهد و بتشتغل علي نفسك كويس لكن!!!!! صعب جدا يكون نفسك فى اي هدف و انت نايم فى سريرك و ماسك ريموت التليفزيون و مانتخ مش بتعمل اي مجهود غير انك بتدوس علي زر عشان تغير القناة صعب شخص زي ده يحقق اي نجاح او يوصل لاي شئ فى الحياة لانه ببساطة متواكل و مستني المعجزة اللى هتغير حياتة من صفر لمليون و كل احلامة تتحقق كتير من الشباب بشوفهم بيضيعوا مستقبلهم و مش عايزين يشوفوا اي طريق للنجاح بل بالعكس قاعد علي القهوة الشلة الحلوة شيشة اليكترونية لا شيشة عادية لا سجارة يا رحلات بقى و هيص تعيش و كده يعني نفسي كل واحد عنده ابن متواكل نايم علي نفسة و مستقبلة و شبابة رايحين منه فى داهيه يفوقه و يقوله لازم يصحي لنفسة قبل فوات الاوان النجاح مستحيل يكون فجأة و القمة مش بتوصلها فى لحظة لان ببساطة مفيش طريق مختصر الفهلوة و النصب و الهبل مش بيوصلوك غير لاحتقار كل اللى حواليك ليك و نظرة الشفقة اللى فى عنيهم لانهم عارفين انك انسان فاشل اصحي قبل فوات الاوان اصحي عشان حياتك محتاجة الوان