رحلة الجندي المجهول

(الحلقة الثانية) من سلسلة ???? كبسولات: رحلة الجندي المجهول (الأب المدفون حياً!)

( من مصطفى أمين إلى "سونورا دود" ????)

عشان لما تبدأ تتكلم عن #عيد_الأب، ميتطلعلكش حد من تحت الأرض يقولك: "يا سيدي دي تقاليع غربية وبدعة!" ✋.. لاء يا سيدي، الحكاية أعمق وأجمل من كده بكتير، وليها أصل إنساني واجتماعي بحت.

الحكاية بدأت في أمريكا سنة 1910، لما بنت اسمها "سونورا دود" قررت تكرم أبوها اللي أفنى عمره ورباها هي وإخواتها الستة لوحده بعد وفاة أمهم ????. شافت تضحيته وصبره فقالت: "الراجل ده لازم يتكرم".

أما عندنا في مصر، فكان صاحب الفكرة هو الكاتب الصحفي العبقري الراحل "مصطفى أمين" ✍️، لما كتب في عموده الشهير "فكرة" يدعو لتكريم الأب وإظهار الشكر ليه زي الأم بالظبط. واقترح يكون يوم 10 يناير، وبالفعل تم الاحتفال بيه، لكن الفكرة للأسف تلاشت وتناستها الناس.. لحد ما رجع الاحتفال بيه تاني يوم 21 يونيو مع معظم الدول العربية ????.

واللي بيتحجج بالدين.. الدين مبيتعارضش مع الإنسانية والوفاء! صحيح رسولنا الكريم ﷺ وصانا بحسن صحابة الأم تلات مرات لعظم دورها، لكن الأب جه في المرتبة التانية مباشرة كحجر أساس وعمود المنزل ⚓. هو الراعي المسؤول عن رعيته والمكلف بالإنفاق والخدمة والمشقة ????.

الاحتفاء بالأب مش بدعة، ده أسمى صور البر بالوالدين في حياتهم، وأعظم هدية ليهم بالدعاء بعد مماتهم ???? "ربِّ اغفر لي ولوالديّ وللمؤمنين يوم يقوم الحساب".

افتكروا الراجل اللي شايل الشيلة.. الأب مش مجرد اسم في البطاقة، الأب هو السند اللي بتمشي بيه في الدنيا وأنت مطمن .