رحله الي الجندي المجهول٤

الحلقة الرابعة: في بيوت كتير.. الأب هو "الأب والأم" معاً! ????)

سلسلة ???? كبسولات: رحلة الجندي المجهول (الأب المدفون حياً!)

من سنوات وأنا أطلق دعوة لتغيير اسم عيد الأم ليكون (عيد الأسرة).. وليه بنادي بده؟

لأن في واقع بيوت كتير، فُقدت الأم لوفاة أو انفصال، وبقى الأب هو العائل، والراعي، والممرض، واللي بيذاكر، والقلب الحنين كمان!

تحية من القلب لكل أب جندي مجهول، اشتاق لطفله وصرف عليه من يوم ما كان علقة في رحم أمه؛ متابعة وأدوية وكشوفات أطباء حتى وصوله. تحية لكل أب سهر وتعب وتحمل الرعاية في الخفاء لأجل أول إحساس بالبنوة، وزرفت عيونه دموع الفرحة. ????????

تحية للراجل اللي بيتحمل الغربة داخل بلده أو براها، وسط الجبال وقسوة الجو وجفاف اللسان، وبيغيب في الأعياد ولمة رمضان ليعود بلهفة الحب لأولاده واحتياجاتهم. الأب ده بيتجرح ويتهان ويتمرمط في عمله عشان القرش الحلال لصلبه، وبلحظة صمت بيبكي لوحده في السكت ومبيبوحش.. عشان يفضل صوت ضحكته هو الأمان اللي مالي البيت.

اليتيم الحقيقي مش بس اللي بيفقد أمه؛ اللي بيفقد الأب بيفقد العائل، والسند، والظهر، والعمود الأساسي للبيت. لو عشت في قصور وبتأكل الأحلى والأرق، لن تجد للقمة طعماً حقيقياً إلا من إيد أبيك.. لأن حنانه له مذاق خاص.

افتكروا الراجل اللي شايل الشيلة.. وعظّموا دور الأب اللي عايش وسط أولاده غريب ومبيسمعش كلمة "شكراً". ????